WPL 2026: యూపీ వారియర్స్ పై ఢిల్లీ క్యాపిటల్స్ విన్..

నవీ ముంబైలోని డీవై పాటిల్ స్టేడియంలో ఈ నెల 14 న జరిగిన ఉమెన్స్ ప్రీమియర్ లీగ్ 7వ మ్యాచ్‌లో ఢిల్లీ క్యాపిటల్స్, యూపీ వారియర్స్‌పై 7 వికెట్ల తేడాతో ఘన విజయం సాధించింది. టాస్ గెలిచిన ఢిల్లీ ముందుగా బౌలింగ్ ఎంచుకుని యూపీని 20 ఓవర్లలో 154/8 పరుగులకే కట్టడి చేసింది. అనంతరం లక్ష్య ఛేదనలో 19.5 ఓవర్లలోనే 158/3 పరుగులు చేసి సీజన్‌లో తొలి విజయాన్ని నమోదు చేసింది.

యూపీ ఇన్నింగ్స్‌లో మెగ్ లానింగ్ అర్ధసెంచరీతో జట్టును నిలబెట్టే ప్రయత్నం చేసింది. ఢిల్లీ బౌలింగ్‌లో మరిజన్నే కాప్ కట్టుదిట్టంగా బౌలింగ్ చేసింది. ఛేజింగ్‌లో లిజెల్లీ లీ అద్భుతమైన హాఫ్ సెంచరీతో విజయంలో కీలక పాత్ర పోషించగా, ఆమెకు ప్లేయర్ ఆఫ్ ది మ్యాచ్ అవార్డు దక్కింది. ఈ విజయంతో ఢిల్లీ పాయింట్ల పట్టికలో ఖాతా తెరవగా, యూపీ వరుసగా మూడో ఓటమితో కష్టాల్లో పడింది.