విజయ్ హజారే ట్రోఫీ, 36 బంతుల్లో వైభవ్ సూర్య వంశీ సెంచరీ

విజయ్ హజారే ట్రోఫీలో బిహార్ తరఫున ఆడుతున్న వైభవ్ సూర్యవంశీ అద్భుతమైన ప్రదర్శనతో క్రికెట్ అభిమానులను ఆశ్చర్యపరిచాడు. అరుణాచల్ ప్రదేశ్‌తో జరిగిన మ్యాచ్‌లో కేవలం 36 బంతుల్లోనే సెంచరీ సాధించి లిస్ట్ ఏ క్రికెట్‌లో రెండో అత్యంత వేగవంతమైన శతకం నమోదు చేశాడు. అతని దూకుడు బ్యాటింగ్ ప్రత్యర్థి బౌలర్లను పూర్తిగా మట్టికరిపించింది.

వైభవ్ సూర్యవంశీ 84 బంతుల్లో 190 పరుగులు సాధించాడు. ఈ ఇన్నింగ్స్‌లో 16 ఫోర్లు, 15 సిక్సర్లు బాదాడు. ఓపెనర్ మంగళ్ మహ్రౌర్ 33 పరుగులు చేసి ఔటయ్యాడు. వైభవ్ చేసిన ఈ అసాధారణ ఇన్నింగ్స్ దేశీయ వన్డే క్రికెట్‌లో చరిత్రగా నిలిచింది.