ఏసీసీ రైజింగ్ స్టార్స్ ఆసియా కప్‌.. ఇండియా-ఎ కెప్టెన్‌గా తిలక్ వర్మ

ఏసీసీ రైజింగ్ స్టార్స్ ఆసియా కప్‌లో పాల్గొనే ఇండియా-ఎ జట్టుకు హైదరాబాదీ యువ బ్యాటర్ తిలక్ వర్మ కెప్టెన్‌గా ఎంపికయ్యాడు. ఈ టోర్నీ నవంబర్ 19 నుంచి 29 వరకు ఖతార్ రాజధాని దోహాలో జరగనుంది. రజత్ పాటీదార్‌కు వైస్ కెప్టెన్సీ బాధ్యతలు అప్పగించారు. ఇండియా-ఎ జట్టు గ్రూప్-బిలో చోటు దక్కించుకుంది. ఈ గ్రూపులో భారత్‌తో పాటు పాకిస్థాన్-ఎ, నేపాల్, యునైటెడ్ అరబ్ ఎమిరేట్స్ జట్లు ఉన్నాయి. గ్రూప్-ఎలో బంగ్లాదేశ్-ఎ, శ్రీలంక-ఎ, అఫ్గానిస్థాన్-ఎ, హాంకాంగ్, చైనా జట్లు పోటీపడనున్నాయి. రెండు గ్రూపుల్లో తొలి రెండు స్థానాల్లో నిలిచిన జట్లు సెమీఫైనల్‌కు అర్హత సాధిస్తాయి.

ఇండియా-ఎ జట్టులో అభిషేక్ శర్మ, వైభవ్ సూర్యవంశీ, ప్రభ్‌సిమ్రన్ సింగ్ (వికెట్ కీపర్), తిలక్ వర్మ (కెప్టెన్), రజత్ పాటీదార్ (వైస్ కెప్టెన్), రింకూ సింగ్, కుమార్ కుశాగ్ర (వికెట్ కీపర్), సూర్యాంశ్ షెడ్గె, షాబాజ్ అహ్మద్, విప్రాజ్ నిగమ్, హర్ష్ దూబె, తనుష్ కొటియాన్, హర్షిత్ రాణా, ప్రిన్స్ యాదవ్, అర్షద్ ఖాన్ ఉన్నారు. ఆసియా దేశాల యువ జట్ల మధ్య జరిగే ఈ టోర్నీ.. భారత యువ ఆటగాళ్లకు తమ ప్రతిభను నిరూపించుకునేందుకు మంచి వేదిక కానుంది.