T20 వరల్డ్ కప్....30 నిమిషాల్లో ఇండియా పాకిస్తాన్ మ్యాచ్ టికెట్స్ సోల్డ్ ఔట్

భారత్–పాకిస్థాన్ మధ్య జరగబోయే T20 వరల్డ్ కప్ మ్యాచ్‌కు క్రేజ్ మరింత పెరిగింది. ఫిబ్రవరి 15న కొలంబోలో జరిగే ఈ హై–వోల్టేజ్ పోరుకు సంబంధించిన మొదటి విడత టికెట్లు విడుదలైన 30 నిమిషాల్లోనే పూర్తిగా అమ్ముడైపోయాయి. క్రికెట్‌లో అత్యంత పెద్ద రైవల్రీగా నిలిచే ఈ మ్యాచ్ కోసం అభిమానులు భారీగా టికెట్లు బుక్ చేసుకున్నారు.

సాయంత్రం 7 గంటలకు ప్రారంభమయ్యే ఈ మ్యాచ్‌ కోసం ఆన్‌లైన్ టికెట్ ప్లాట్‌ఫార్మ్‌లపై భారీ డిమాండ్ నమోదైంది. “Sold Out” బోర్డు పెట్టడానికి ముందే వేలాది మంది ఫ్యాన్స్ టికెట్లు పొందేందుకు రేసులో పడ్డారు. వరల్డ్ కప్‌లో భారత్–పాక్ పోరుకు ఉన్న క్రేజ్ మళ్లీ మరోసారి నిరూపితమైంది.