ఘనా చేతిలో ఇంగ్లాండ్‌కు షాక్...

ఫిఫా ప్రపంచకప్ గ్రూప్-ఎల్‌లో ఇంగ్లాండ్‌కు ఘనా గట్టి షాక్ ఇచ్చింది. ప్రపంచ ర్యాంకింగ్స్‌లో నాలుగో స్థానంలో ఉన్న ఇంగ్లాండ్ మ్యాచ్ మొత్తంలో 72 శాతం బంతిని తన నియంత్రణలో ఉంచుకుని వరుస దాడులు చేసినా ఒక్క గోల్ కూడా నమోదు చేయలేకపోయింది. హ్యారీ కేన్ సహా పలువురు కీలక అవకాశాలను వృథా చేయడంతో మ్యాచ్ 0-0తో ముగిసింది. ఈ డ్రాతో ఇంగ్లాండ్ నాలుగు పాయింట్లతో గ్రూప్ అగ్రస్థానంలో కొనసాగుతూ నాకౌట్ బెర్త్‌కు చేరువైంది. మరోవైపు ఘనా కట్టుదిట్టమైన రక్షణతో ఇంగ్లాండ్‌ను నిరాశపరిచింది.

ఈ మ్యాచ్‌లో పెనాల్టీ వివాదం చర్చనీయాంశమైంది. 78వ నిమిషంలో ఘనా ఆటగాడు ప్రిన్స్‌పై ఎజ్రి కోన్సా చేసిన ఛాలెంజ్‌కు పెనాల్టీ ఇవ్వకపోవడంపై ఘనా తీవ్ర అసంతృప్తి వ్యక్తం చేసింది. రిఫరీతో పాటు VAR కూడా స్పందించకపోవడం విమర్శలకు దారితీసింది. ఇదే గ్రూప్‌లో క్రొయేషియా 1-0తో పనామాపై గెలిచి నాకౌట్ ఆశలను నిలబెట్టుకోగా, గ్రూప్-కెలో డీఆర్ కాంగోపై 1-0తో విజయం సాధించిన కొలంబియా వరుసగా రెండో విజయంతో నాకౌట్‌కు అర్హత సాధించింది.