సౌత్‌జోన్ కెప్టెన్‌గా ప్రణవి చంద్ర.. జట్టులో శ్రీచరణి, శ్రేయాంక పాటిల్‌కు చోటు!

బీసీసీఐ సీనియర్ మహిళల టీ20 టోర్నీలో పాల్గొనే సౌత్‌జోన్ జట్టును సెలక్షన్ కమిటీ ప్రకటించింది. ఎన్. గీత నేతృత్వంలోని కమిటీ 15 మంది సభ్యులతో కూడిన జట్టును ఎంపిక చేసింది. హైదరాబాద్‌కు చెందిన బ్యాటర్ ప్రణవి చంద్రకు కెప్టెన్సీ బాధ్యతలు అప్పగించగా, శుభ సతీశ్ వైస్ కెప్టెన్‌గా ఎంపికైంది.

భారత జట్టుకు ప్రాతినిధ్యం వహిస్తున్న లెఫ్టార్మ్ స్పిన్నర్ ఎన్. శ్రీచరణి రెడ్డి, ఆఫ్ స్పిన్నర్ శ్రేయాంక పాటిల్‌కు కూడా సౌత్‌జోన్ జట్టులో చోటు దక్కింది. హైదరాబాద్ నుంచి ప్రణవి చంద్ర, వంకా పూజ ఎంపికయ్యారు. ఆంధ్రప్రదేశ్ నుంచి హెన్రిటా పెరీరా, షబ్నమ్ షకీల్, రంగలక్ష్మికి అవకాశం లభించింది. పూర్తి జట్టు వివరాలు: ప్రణవి చంద్ర (కెప్టెన్), శుభ సతీశ్ (వైస్ కెప్టెన్), ఎన్. శ్రీచరణి, జి. కమలిని, డి. హేమలత, నిక్కీ ప్రసాద్, హెన్రిటా పెరీరా, వంకా పూజ, శ్రేయ పరాబ్, షబ్నమ్ షకీల్, నియా నాజీన్, శ్రేయాంక పాటిల్, మోనికా పాటిల్, రంగలక్ష్మి, ఈసీ కవీషా.