టీ20 జట్టులోకి భువీ రీఎంట్రీ.. దినేశ్ కార్తీక్ రియాక్షన్ వైరల్

భువనేశ్వర్ కుమార్ టీ20 అంతర్జాతీయ జట్టులోకి తిరిగి రావడం మాజీ క్రికెటర్ దినేశ్ కార్తీక్‌కు ప్రత్యేకమైన క్షణంగా మారింది. న్యూజిలాండ్‌తో అక్టోబర్ 22 నుంచి ప్రారంభమయ్యే ఐదు మ్యాచ్‌ల టీ20 సిరీస్ కోసం ప్రకటించిన 16 మంది సభ్యుల జట్టులో భువనేశ్వర్‌కు చోటు దక్కింది. చాలా కాలంగా భువీ పునరాగమనంపై విశ్వాసం వ్యక్తం చేస్తున్న డీకే.. ఆయన తిరిగి జట్టులోకి రావడంపై సంతోషం వ్యక్తం చేశారు.

భువనేశ్వర్ కుమార్‌కు దినేశ్ కార్తీక్ ఎప్పటి నుంచో మద్దతుగా నిలుస్తున్నారు. జస్ప్రీత్ బుమ్రా తర్వాత టీ20 క్రికెట్‌లో భువనేశ్వర్ భారత్‌ అత్యుత్తమ బౌలర్లలో ఒకరని గతంలో కార్తీక్ పేర్కొన్నారు. ఇప్పుడు భువీ టీ20 జట్టులోకి తిరిగి రావడంతో కార్తీక్ నమ్మకం నిజమైంది. భువనేశ్వర్ పునరాగమనం భారత టీ20 జట్టుకు మరోసారి కీలక అనుభవాన్ని తీసుకురానుంది.