

అంధుల ఆసియా కప్ టీ20 టోర్నీ ఫైనల్లో అనూహ్య పరిణామం చోటుచేసుకుంది. శుక్రవారం ఢాకాలో భారత్, పాకిస్థాన్ మధ్య జరగాల్సిన తుది పోరు వర్షం కారణంగా రద్దయింది. ఒక్క బంతి కూడా పడకుండానే మ్యాచ్ ముగిసింది. అయితే టోర్నీలో మెరుగైన నెట్ రన్రేట్ ఉందనే కారణంతో నిర్వాహకులు పాకిస్థాన్ను విజేతగా ప్రకటించి ట్రోఫీ అందజేశారు. దీంతో భారత జట్టు తీవ్ర అభ్యంతరం వ్యక్తం చేసింది.
ప్రపంచ అంధుల క్రికెట్ మండలి (WBCC) టెక్నికల్ కమిటీ నిబంధనల ప్రకారం ఫైనల్ వర్షం కారణంగా రద్దయితే ఇరు జట్లను సంయుక్త విజేతలుగా ప్రకటించాలని భారత అంధుల క్రికెట్ సంఘం (CABI) ప్రధాన కార్యదర్శి శైలేంద్ర యాదవ్ పేర్కొన్నారు. లీగ్ దశకు మాత్రమే వర్తించే నెట్ రన్రేట్ ఆధారంగా ఫైనల్ విజేతను ఎలా నిర్ణయిస్తారని ఆయన ప్రశ్నించారు. అంతేకాకుండా, WBCC అధ్యక్షుడు సుల్తాన్ షా పాకిస్థాన్ అంధుల క్రికెట్ సంఘానికి కూడా అధ్యక్షుడిగా ఉండటాన్ని ప్రస్తావిస్తూ, మ్యాచ్ రిఫరీపై ఒత్తిడి తెచ్చి ఈ నిర్ణయం తీసుకునేలా చేశారని ఆరోపించారు. ఈ నిర్ణయానికి నిరసనగా భారత బృందం ట్రోఫీ ప్రదానోత్సవ కార్యక్రమాన్ని బహిష్కరించింది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!