పుతిన్ విందు కి పార్లమెంటరి కమిటీ చైర్మన్ హోదా లో పాల్గొన్న.. కాంగ్రెస్ ఎంపీ శశి ధరూర్

రష్యా అధ్యక్షుడు పుతిన్ గౌరవార్థం రాష్ట్రపతి భవన్‌లో ఏర్పాటు చేసిన అధికారిక విందుకు ప్రతిపక్ష నేతలను ఆహ్వానించకపోవడం రాజకీయ చర్చలకు దారి తీసింది. కేంద్రం ఉద్దేశపూర్వకంగా ఇలా చేసింది అని విపక్షాలు ఆందోళన చెందుతున్నాయి. అయితే కాంగ్రెస్ సీనియర్ ఎంపీ శశి థరూర్ అనూహ్యంగా ఆ కార్యక్రమంలో హాజరై షాక్ ఇచ్చారు. ఆయన విందులో పాల్గొనడం పార్టీలో అంతర్గత అసంతృప్తిని రేకెత్తించింది, సీనియర్లు అభ్యంతరాలు వ్యక్తం చేశారు. BJP మాత్రం కాంగ్రెస్‌కు సమస్య ఏంటో అర్థం కావడం లేదని అన్నారు.

శశి థరూర్ మీడియా ఇంటర్వ్యూలో, పార్లమెంటరీ కమిటీ చైర్మన్ హోదాలోనే విందుకు హాజరైనట్లు తెలిపారు. విందు వాతావరణం మరియు ఇతర దేశాలతో సంబంధాలను అర్థం చేసుకోవడం తనకు ఉపయోగకరంగా ఉందని చెప్పారు. ఆయన ఆ విందును అద్భుతంగా ఉందని అభిప్రాయపడ్డారు. నియోజకవర్గ అభివృద్ధికి ప్రభుత్వ సహకారం కోరడాన్ని విందుతో సంబంధపెట్టరాదు అని, ప్రజల కోసం పని చేయడం తన రాజకీయ బాధ్యత అని చెప్పుకొచ్చారు.