రేపే తెలంగాణ రైజింగ్ గ్లోబల్ సమ్మిట్

రేపు ప్రారంభమవుతున్న తెలంగాణ రైజింగ్ గ్లోబల్ సమ్మిట్ రాష్ట్రవ్యాప్తంగా విశేష ఉత్సాహాన్ని రేకెత్తిస్తోంది. 44 దేశాల నుంచి 154 మంది అంతర్జాతీయ అతిథులు ఈ సమ్మిట్‌లో పాల్గొననున్నారు. సుమారు 2,000 మంది కూర్చునేలా ఏర్పాటైన వేదికపై సమ్మిట్ మధ్యాహ్నం 1:30 గంటలకు ప్రారంభమవుతుంది. తొలిరోజు సందర్భంగా ప్రముఖ ఆర్థికవేత్త అభిజిత్ బెనర్జీ మరియు ట్రంప్–మీడియా అండ్ టెక్నాలజీస్ ప్రతినిధి ఎరిక్ స్వేడర్ ముఖ్య ప్రసంగాలు చేయనున్నారు. అనంతరం మధ్యాహ్నం 2:30 గంటలకు రాష్ట్ర ముఖ్యమంత్రి రేవంత్ రెడ్డి ప్రసంగం జరగనుంది. వివిధ కీలక అంశాలపై మొత్తం 27 సెషన్లలో చర్చలు జరగనున్నాయి.

ఈ రెండు రోజుల సమ్మిట్ ద్వారా ఆర్థిక, సాంకేతిక, సామాజిక రంగాలలో అంతర్జాతీయ సహకారాన్ని మరింత బలోపేతం చేసి, భవిష్యత్ అవకాశాలపై సమగ్ర దిశానిర్దేశం చేయనుంది. ప్రపంచంలోని వివిధ దేశాల నుంచి వచ్చిన ప్రతినిధులు తెలంగాణకు చేరుకొని, ముఖ్య ప్రసంగాలు, ప్యానల్ చర్చలు మరియు సమావేశాల ద్వారా ఈ కార్యక్రమం సందడిగా సాగనుంది.