

టీమిండియా స్టార్ స్పిన్నర్ యుజ్వేంద్ర చహల్ రాజకీయాల్లో కొత్త ఇన్నింగ్స్ ప్రారంభించారు. ఆయన భారతీయ జనతా పార్టీలో చేరగా.. పార్టీ జాతీయ ఓబీసీ మోర్చా కార్యవర్గ కమిటీలో ప్రత్యేక ఆహ్వానితుడిగా నియమించింది. నవంబర్ 21న బీజేపీ చేపట్టిన సంస్థాగత మార్పుల్లో భాగంగా జాతీయ అధ్యక్షుడు నితిన్ నబీన్ ఆదేశాల మేరకు ఈ నియామకం చేపట్టారు. ఈ నియామకానికి ముందు చహల్ బీజేపీ ఓబీసీ మోర్చా జాతీయ అధ్యక్షుడు అమర్పాల్ మౌర్యతో సమావేశమయ్యారు. క్రికెట్ మైదానంలో తన ఆటతో గుర్తింపు తెచ్చుకున్న చహల్.. ఇప్పుడు రాజకీయ రంగంలోకి అడుగుపెట్టడం ఆసక్తికరంగా మారింది.
చహల్తో పాటు ఉత్తరప్రదేశ్కు చెందిన న్యాయవాది సీమా సమృద్ధి కుశ్వాహా, ఒడిశాకు చెందిన ప్రొఫెసర్ అద్వైత్ చరణ్ గణనాయక్లను కూడా జాతీయ కార్యవర్గ కమిటీకి ప్రత్యేక ఆహ్వానితులుగా నియమించారు. వీరితో పాటు వివిధ రాష్ట్రాలకు చెందిన మరో 37 మందికి బీజేపీ ఓబీసీ మోర్చా జాతీయ కార్యవర్గ సభ్యులుగా బాధ్యతలు అప్పగించింది. జాతీయ అధ్యక్షుడు నితిన్ నబీన్ ఆదేశాల మేరకు ఈ నియామకాలు చేపట్టినట్లు పార్టీ వెల్లడించింది. చహల్కు కొత్త బాధ్యతలు అప్పగించడంతో ఆయన రాజకీయ ప్రయాణంపై అభిమానులు, క్రికెట్ వర్గాల్లో ఆసక్తి నెలకొంది.




















కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!