రేపు భారత్ కి రష్యా ప్రెసిడెంట్ పుతిన్

భారత్–రష్యా స్నేహబంధం మరింత బలపడేలా రేపు రష్యా అధ్యక్షుడు వ్లాదిమిర్ పుతిన్ భారత్‌కు రానున్నారు. గురువారం, శుక్రవారం రెండు రోజులపాటు పుతిన్ భారత్ పర్యటన కొనసాగనుంది.

వార్షిక ద్వైపాక్షిక సదస్సులో భాగంగా ప్రధాని నరేంద్ర మోదీతో పుతిన్ సమావేశం కానున్నారు. ఈ సందర్భంగా రక్షణ, వాణిజ్యం, పెట్టుబడులు, ఇంధనం, సాంకేతికత వంటి కీలక రంగాల్లో అనేక ఒప్పందాలు కుదిరే అవకాశముంది.

ప్రత్యేకంగా, రెండు దేశాలు కలిసి 200 హెలికాప్టర్ల తయారీపై ఒక పెద్ద ఒప్పందం కుదుర్చుకునే అవకాశాలు బలంగా ఉన్నాయి.

అదే విధంగా, ద్వైపాక్షిక సంబంధాలు, జియో-పాలిటికల్ పరిస్థితులు, అంతర్జాతీయ అంశాలపై కూడా రెండు దేశాల నేతలు చర్చించనున్నారు.

ఈ పర్యటన భారత్–రష్యా వ్యూహాత్మక భాగస్వామ్యాన్ని మరింత బలోపేతం చేస్తుందనే అభిప్రాయం వ్యక్తమవుతోంది.