ప్రజలు నుంచి వినతి పత్రాలు స్వీకరించిన కర్ణాటక సీఎం...

మైసూరు జిల్లాలోని పిరియాపట్నంలో నిర్వహించిన ‘ప్రజాసేవా ఆందోళన’ కార్యక్రమంలో కర్ణాటక ముఖ్యమంత్రి డీకే శివకుమార్ పాల్గొని ప్రజల నుంచి వినతిపత్రాలు, ఫిర్యాదులను స్వీకరించారు. ప్రజల వద్దకే ప్రభుత్వం చేరి వారి సమస్యలను నేరుగా తెలుసుకుని పరిష్కారానికి చర్యలు తీసుకోవాలనే ఉద్దేశంతో ఈ కార్యక్రమాన్ని నిర్వహించారు. ప్రజలు సమర్పించిన అర్జీలను పరిశీలించి సంబంధిత శాఖల ద్వారా తగిన చర్యలు తీసుకోవాలని సీఎం అధికారులను ఆదేశించారు.

ఈ కార్యక్రమంలో మంత్రులు, ఎంపీలు, ఎమ్మెల్యేలు, ఎమ్మెల్సీలు, ఉన్నతాధికారులు, ఇతర ప్రజాప్రతినిధులు పాల్గొన్నారు. ప్రజల సమస్యలను నేరుగా ప్రభుత్వ యంత్రాంగం దృష్టికి తీసుకెళ్లేందుకు ఈ కార్యక్రమం వేదికగా నిలిచింది. ఫిర్యాదుల స్వీకరణ కోసం శాఖల వారీగా కౌంటర్లు ఏర్పాటు చేసి, అందిన వినతుల వివరాలను ఇంటిగ్రేటెడ్ పబ్లిక్ గ్రీవెన్స్ రిడ్రెసల్ సిస్టమ్ (IPGRS)లో నమోదు చేయాలని అధికారులకు సూచించారు.