యూపీఐ ఛార్జీలపై కేంద్రాన్ని టార్గెట్ చేసిన కె. నారాయణ

సీపీఐ నేత కె. నారాయణ కేంద్ర ప్రభుత్వంపై తీవ్రస్థాయిలో విమర్శలు గుప్పించారు. ‘‘ఓట్ల చోరీ, ఉద్యోగాల చోరీ.. ఇప్పుడు ప్రజల జేబులకూ చిల్లా?’’ అంటూ ప్రశ్నించారు. దేశవ్యాప్తంగా రాజకీయంగా చర్చకు దారితీస్తున్న పరిణామాలను ప్రస్తావిస్తూ.. జ్ఞానేశ్వరి మిశ్రాపై వస్తున్న అవినీతి ఆరోపణలు కేరళ నుంచి దేశవ్యాప్తంగా ప్రతిధ్వనిస్తున్నాయని అన్నారు. ఈ వ్యవహారంలో కుమార్ రాజీనామా చేయాలన్న డిమాండ్ మరింత బలపడుతోందని పేర్కొన్నారు.

యూపీఐ లావాదేవీలపై ఛార్జీల అంశాన్ని ప్రస్తావించిన నారాయణ.. ప్రజల నుంచి కోట్ల రూపాయలు వసూలు చేసేందుకు ప్రభుత్వం ప్రయత్నిస్తోందని ఆరోపించారు. ‘‘ఓట్ల చోరీ.. ఉద్యోగాల చోరీ.. జేబుల చోరీ’’ అంటూ కేంద్రంపై విమర్శలు చేశారు. గతంలో రాజకీయ సంక్షోభ సమయంలో విద్యాశాఖ మంత్రి రాజీనామాతో ప్రధాని మోదీ బయటపడ్డారని వ్యాఖ్యానించిన ఆయన.. ఇప్పుడు కుమార్ వ్యవహారంలోనూ రాజీనామా డిమాండ్‌ను విస్మరించలేరన్నారు. ప్రజలు జవాబు కోరుతున్నారని, బాధ్యత ఎవరిదో ప్రభుత్వం స్పష్టం చేయాలని డిమాండ్ చేశారు.