బీఆరెస్ ఎమ్మెల్యేలకు హైకోర్టు నోటీసులు

తెలంగాణ హైకోర్టు పార్టీ మార్పు వివాదంపై ఏడుగురు భారత్ రాష్ట్ర సమితి ఎమ్మెల్యేలకు నోటీసులు జారీ చేసింది. ఇటీవల 10 మంది ఎమ్మెల్యేలు పార్టీ మారలేదని తెలంగాణ అసెంబ్లీ స్పీకర్ ఇచ్చిన తీర్పుపై హైకోర్టులో సవాలు దాఖలైంది. ఈ నేపథ్యంలో స్పీకర్‌కూ నోటీసులు జారీ చేశారు.

ఈ కేసులో దానం నాగేందర్, అరికేపూడి గాంధీ, కాలే యాదయ్య, ప్రకాశ్ గౌడ్, పోచారం శ్రీనివాస్ రెడ్డి, బండ్ల కృష్ణమోహన్ రెడ్డి, తెల్లం వెంకట్రావుపై పిటిషన్ దాఖలైంది. వారికి కౌంటర్ దాఖలు చేయాలని కోర్టు ఆదేశించింది. తదుపరి విచారణను వచ్చే నెల 16 వ తేదీకి వాయిదా వేసింది.