బెంగాల్‌లో నేటితో ముగియనున్న తొలి దశ ఎన్నికల ప్రచారం

పశ్చిమ బెంగాల్‌లో తొలి దశ ఎన్నికల ప్రచారం నేడు ముగియనుంది. ప్రధాన రాజకీయ పార్టీలు ఓటర్లను ఆకర్షించేందుకు ప్రచారాన్ని మరింత వేగవంతం చేశాయి. తృణమూల్ కాంగ్రెస్ మరియు భారతీయ జనతా పార్టీ పోటాపోటీగా ప్రచారం నిర్వహిస్తున్నాయి.

ముఖ్యమంత్రి మమతా బెనర్జీ కోల్‌కతా, పూర్బా మిడ్నాపూర్, నార్త్ 24 పరగణాలు జిల్లాల్లో ప్రచారం చేస్తున్నారు. మరోవైపు కేంద్ర హోం మంత్రి అమిత్ షా భారతీయ జనతా పార్టీ అభ్యర్థులకు మద్దతుగా నాలుగు ప్రాంతాల్లో సమావేశాలు నిర్వహిస్తూ ప్రచారం చేస్తున్నారు.