
రాజకీయాలు

ఆంధ్రప్రదేశ్లో డిప్యూటీ మేయర్లు, వైస్ చైర్మన్ల ఎన్నికలు రేపు జరగనున్నాయి. ఈ పదవుల భర్తీకి సంబంధించి కూటమి పార్టీల మధ్య సీట్ల సర్దుబాటు ఖరారైంది. రాష్ట్రవ్యాప్తంగా ఏడు డిప్యూటీ మేయర్ స్థానాలు, 59 వైస్ చైర్మన్ స్థానాలను గుర్తిస్తూ జాబితా విడుదల చేశారు. ఆయా స్థానాల్లో కూటమి పార్టీలకు దక్కే పదవుల వివరాలను ఈ జాబితాలో పొందుపరిచారు.
అనంతపురం, చిత్తూరు, కడప, ఏలూరు, ఒంగోలు, విజయవాడ, విజయనగరం నగరాల్లో డిప్యూటీ మేయర్ స్థానాలను గుర్తించారు. అలాగే మున్సిపాలిటీలు, నగర పంచాయతీల్లో 59 వైస్ చైర్మన్ స్థానాలను కేటాయించారు. మొత్తం 66 పట్టణ స్థానిక సంస్థలకు సంబంధించిన వివరాలతో రెండు పేజీల జాబితాను విడుదల చేశారు. ఈ నేపథ్యంలో రేపు జరగనున్న ఎన్నికలపై రాజకీయ వర్గాల్లో ఆసక్తి నెలకొంది.




















కామెంట్స్ (1)
Gud news