సీఎం చంద్రబాబుతో ముగిసిన డిప్యూటీ సీఎం పవన్ కల్యాణ్ భేటీ

ఆంధ్రప్రదేశ్ ముఖ్యమంత్రి చంద్రబాబు నాయుడుతో ఉప ముఖ్యమంత్రి పవన్ కల్యాణ్ భేటీ ముగిసింది. దాదాపు రెండు గంటల పాటు సాగిన ఈ సమావేశంలో రాష్ట్ర రాజకీయ పరిస్థితులు, రానున్న స్థానిక సంస్థల ఎన్నికల్లో అనుసరించాల్సిన వ్యూహంపై ఇరువురు నేతలు సుదీర్ఘంగా చర్చించినట్లు సమాచారం. టీడీపీ, జనసేన మధ్య సమన్వయాన్ని మరింత బలోపేతం చేసే అంశాలపై కూడా చర్చ జరిగినట్లు తెలుస్తోంది.

స్థానిక సంస్థల ఎన్నికల్లో రెండు పార్టీల మధ్య సమన్వయం కోసం ప్రత్యేక కమిటీని ఏర్పాటు చేసే అంశాన్ని పరిశీలించినట్లు సమాచారం. అలాగే ఏ పార్టీకి బలమైన ప్రాంతాల్లో ఆ పార్టీ అభ్యర్థులు పోటీ చేసేలా పరస్పర అవగాహనతో ముందుకు వెళ్లాలని నేతలు నిర్ణయించినట్లు తెలుస్తోంది. కూటమి సమన్వయంతో ఎన్నికలను ఎదుర్కొనే దిశగా చర్చలు జరిగినట్లు సమాచారం.