దట్టమైన పొగమంచు వల్లే అజిత్ పవార్ విమాన ప్రమాదం

మహారాష్ట్రలో జరిగిన ఘోర విమాన ప్రమాదంలో ఆ రాష్ట్ర ఉప ముఖ్యమంత్రి అజిత్ పవార్ దుర్మరణం చెందారు. బారామతిలో విమానాన్ని అత్యవసరంగా ల్యాండ్ చేయడానికి ప్రయత్నిస్తున్న సమయంలో పైలట్ నియంత్రణ కోల్పోవడంతో ఈ ప్రమాదం చోటు చేసుకున్నట్లు ప్రాథమిక సమాచారం సూచిస్తోంది. ఈ ఘటన రాజకీయ వర్గాల్లో తీవ్ర విషాదాన్ని మిగిల్చింది.

ఘటన జరిగిన ప్రాంతంలో దట్టమైన పొగమంచు ఉండటంతో పైలట్‌కు స్పష్టమైన దృశ్యమానం లేకపోయిందని అధికారులు తెలిపారు. దీంతో విమానం కొండ ప్రాంతంలోని ఓ భారీ రాయిని ఢీకొట్టి కుప్పకూలినట్లు తెలుస్తోంది. ప్రమాదానికి గల ఖచ్చితమైన కారణాలను తెలుసుకునేందుకు దర్యాప్తు ప్రారంభించగా, దేశవ్యాప్తంగా ప్రముఖులు సంతాపం వ్యక్తం చేస్తున్నారు.