‘రణబాలి’ ఓటీటీ రిలీజ్ డేట్ లీక్.. నెట్‌ఫ్లిక్స్‌లో స్ట్రీమింగ్ ఎప్పుడంటే?

విజయ్ దేవరకొండ, రష్మిక మందన్న జంటగా నటించిన పీరియడ్ యాక్షన్ డ్రామా ‘రణబాలి’కి రాహుల్ సాంకృత్యాన్ దర్శకత్వం వహించారు. థియేటర్లలో విడుదలైన ఈ సినిమా బాక్సాఫీస్ వద్ద క్రమంగా సానుకూల స్పందనను అందుకుంది. ఈ నేపథ్యంలో సినిమా ఓటీటీ విడుదల తేదీపై ఆసక్తికర చర్చ మొదలైంది. నెట్‌ఫ్లిక్స్ ఇండియా తన సోషల్ మీడియా ఖాతాలో ‘రణబాలి’ స్ట్రీమింగ్ తేదీని వెల్లడిస్తూ ఓ పోస్ట్‌ను షేర్ చేసినట్లు సమాచారం. అయితే కొద్దిసేపటికే ఆ పోస్ట్‌ను తొలగించింది. పోస్ట్ తొలగించేలోపే కొందరు నెటిజన్లు స్క్రీన్‌షాట్లు తీసుకున్నట్లు తెలుస్తోంది.

తొలగించిన పోస్ట్ ప్రకారం ‘రణబాలి’ నవంబర్ 13, 2026న నెట్‌ఫ్లిక్స్‌లో స్ట్రీమింగ్ కానున్నట్లు సమాచారం. ఈ సినిమా పలు భాషల్లో అందుబాటులోకి రానున్నట్లు తెలుస్తోంది. అయితే నెట్‌ఫ్లిక్స్ నుంచి అధికారిక ప్రకటన ఇంకా వెలువడలేదు. ఇటీవల విజయ్ దేవరకొండ మాట్లాడుతూ, తాను నటించిన 14 చిత్రాల్లో ‘రణబాలి’ కచ్చితంగా తన కెరీర్‌లోని టాప్ 3 సినిమాల్లో ఒకటిగా నిలుస్తుందని ధీమా వ్యక్తం చేశారు. అంతేకాకుండా దశాబ్దాల తర్వాత కూడా ఈ సినిమా ప్రేక్షకులకు గుర్తుండిపోతుందని అన్నారు. మైత్రీ మూవీ మేకర్స్ నిర్మించిన ఈ చిత్రానికి అజయ్-అతుల్ సంగీతం అందించారు.