ఓటీటీలోకి వెంకటేశ్‌ ‘ఆదర్శ కుటుంబం’.. స్ట్రీమింగ్‌ ఎక్కడంటే?

విక్టరీ వెంకటేశ్‌, మాటల మాంత్రికుడు త్రివిక్రమ్‌ శ్రీనివాస్‌ కాంబినేషన్‌లో తెరకెక్కిన తాజా చిత్రం ‘ఆదర్శ కుటుంబం’. అక్టోబర్‌ 30న థియేటర్లలో విడుదలైన ఈ సినిమా ప్రేక్షకుల నుంచి మిశ్రమ స్పందనను అందుకుంది. బాక్సాఫీస్‌ వద్ద కూడా ఫర్వాలేదనిపించే వసూళ్లను సాధిస్తున్నట్లు సమాచారం. ఈ నేపథ్యంలో సినిమా ఓటీటీ విడుదల ఎప్పుడు ఉంటుందా అని డిజిటల్‌ ప్రేక్షకులు ఆసక్తిగా ఎదురుచూస్తున్నారు.

‘ఆదర్శ కుటుంబం’ డిజిటల్‌ స్ట్రీమింగ్‌ హక్కులను ప్రముఖ ఓటీటీ సంస్థ నెట్‌ఫ్లిక్స్‌ దక్కించుకున్నట్లు సమాచారం. వచ్చే నెల మొదటి వారంలో ఈ సినిమా నెట్‌ఫ్లిక్స్‌లో స్ట్రీమింగ్‌ అయ్యే అవకాశం ఉందని ప్రచారం జరుగుతోంది. అయితే ఓటీటీ విడుదల తేదీపై చిత్రబృందం లేదా నెట్‌ఫ్లిక్స్‌ నుంచి ఇంకా అధికారిక ప్రకటన వెలువడలేదు. దీంతో వెంకటేశ్‌ అభిమానులు డిజిటల్‌ ప్రీమియర్‌ కోసం ఎదురుచూస్తున్నారు.