రణ్ వీర్ సింగ్ హీరోగా తెరకెక్కిన స్పై యాక్షన్ థ్రిల్లర్ ‘ధురంధర్’ ఇప్పుడు అన్‌కట్ వెర్షన్‌తో మరోసారి ప్రేక్షకుల దృష్టిని ఆకర్షిస్తోంది. ఆదిత్య ధర్ దర్శకత్వంలో రూపొందిన ఈ చిత్రం థియేటర్లలో మంచి స్పందన అందుకున్న తర్వాత ఇప్పుడు నెట్‌ఫ్లిక్స్, జియో హాట్‌స్టార్ వేదికలపై పాన్ ఇండియా భాషల్లో స్ట్రీమింగ్ అవుతోంది. థియేటర్లలో సెన్సార్ కారణాలతో తొలగించిన కొన్ని కీలక సన్నివేశాలను ఇప్పుడు అన్‌కట్ వెర్షన్‌లో జోడించడంతో సినిమాపై ఆసక్తి మరింత పెరిగింది.

సినిమాలోని యాక్షన్ సీక్వెన్స్‌లు, భారీ విజువల్స్, స్పై ఎలిమెంట్స్ ఇప్పటికే ప్రేక్షకులను ఆకట్టుకోగా, ఇప్పుడు ఓటీటీలో అవి మరింత ఇంటెన్స్‌గా కనిపిస్తున్నాయని అభిమానులు చెబుతున్నారు. గూఢచారి పాత్రలో రణ్వీర్ సింగ్ నటనకు ప్రశంసలు దక్కుతుండగా, బ్యాక్‌గ్రౌండ్ స్కోర్, యాక్షన్ బ్లాక్స్ థియేటర్ అనుభూతిని గుర్తు చేస్తున్నాయని సోషల్ మీడియాలో కామెంట్లు వస్తున్నాయి. తెలుగు సహా పలు భాషల్లో విడుదల కావడంతో ‘ధురంధర్’ అన్‌కట్ వెర్షన్‌కు మంచి స్పందన లభిస్తోంది.