ఈ నెల 20 నుంచి ఓటీటీలో "లక్కీ" సిరీస్!

మలయాళ హీరోయిన్‌గా మంచి గుర్తింపు తెచ్చుకున్న అనస్వర రాజన్ ఇటీవల ‘ఛాంపియన్’ మూవీతో టాలీవుడ్‌లోకి అడుగుపెట్టింది. ప్రస్తుతం మరో తెలుగు చిత్రంలో నటిస్తూ బిజీగా ఉన్న ఆమె, ఇప్పుడు ఓటీటీ సిరీస్‌తో ప్రేక్షకుల ముందుకు రానుంది. అనస్వర నటించిన ఓ ఫీల్ గుడ్ సిరీస్ స్ట్రీమింగ్‌కు సిద్ధమైంది.

ఈ సిరీస్‌లో తమిళ సంగీత దర్శకుడు, నటుడు జీవీ ప్రకాశ్ కుమార్ హీరోగా నటించారు. వీరిద్దరూ కలిసి చేసిన సిరీస్ పేరు ‘లక్కీ’. ఇందులో ఓ చిన్న కుక్కపిల్ల కూడా ముఖ్య పాత్రలో కనిపించనుంది. ఈ సిరీస్ ఈ నెల 20వ తేదీ నుంచి హాట్‌స్టార్ వేదికగా తెలుగు, తమిళ, కన్నడ, మలయాళ, హిందీ భాషల్లో స్ట్రీమింగ్ కానుంది.

కథ విషయానికి వస్తే, తప్పిపోయిన ఓ కుక్కపిల్ల హీరోకు దొరుకుతుంది. అతడు ఆ కుక్కను ఇంటికి తీసుకెళ్లి అక్కడ ఉన్న చిన్న పాపకు ఇస్తాడు. కానీ ఒక రోజు ఓ రాజకీయ నాయకుడు ఆ పెట్ డాగ్‌ను ఎత్తుకుపోతాడు. చివరకు ఆ కుక్కపిల్ల హీరోకు తిరిగి దొరికిందా లేదా అన్నదే ఈ సిరీస్ కథాంశం.