ఎలిమినేషన్ తర్వాత కూడా స్వదేశాలకు వెళ్లలేని వెస్టిండీస్, దక్షిణాఫ్రికా క్రికెటర్లు!

ఐసీసీ పురుషుల టీ20 వరల్డ్ కప్ 2026 నుండి నిష్క్రమించిన తర్వాత వెస్టిండీస్ మరియు దక్షిణాఫ్రికా జట్లకు చెందిన కొంతమంది ఆటగాళ్లు విమాన పరిమితుల కారణంగా కొలకతాలోనే చిక్కుకుపోయినట్లు సమాచారం. ఈ విషయంపై ఇంగ్లండ్ మాజీ కెప్టెన్ మైఖేల్ వాన్ సోషల్ మీడియాలో స్పందిస్తూ సమస్యను ప్రస్తావించారు.

ఇంగ్లండ్ జట్టు టోర్నీ నుంచి నిష్క్రమించిన 36 గంటల్లోనే చార్టర్ విమానం ఏర్పాటు చేసి వెళ్లేలా చేసినప్పటికీ, వెస్టిండీస్ మరియు దక్షిణాఫ్రికా ఆటగాళ్లు ఇంకా కొలకతాలోనే ఉండాల్సి వచ్చిందని ఆయన పేర్కొన్నారు. ఈ వ్యాఖ్యలతో అంతర్జాతీయ టోర్నీల్లో జట్లకు సమానమైన సౌకర్యాలు కల్పిస్తున్నారా అనే అంశంపై చర్చ మొదలైంది.