ఆస్కార్ అవార్డ్స్ 2026కు తగ్గిన టీవీ ప్రేక్షకాదరణ!

ప్రపంచ సినీ రంగంలో అత్యంత ప్రతిష్టాత్మకమైన ఆస్కార్ అవార్డ్స్ వేడుకలకు ఈసారి టీవీ ప్రేక్షకాదరణ తగ్గినట్లు గణాంకాలు వెల్లడించాయి. వాల్ట్ డిస్నీ సంస్థ విడుదల చేసిన వివరాల ప్రకారం, గత కొన్ని సంవత్సరాలుగా పెరుగుతూ వచ్చిన రేటింగ్స్ ఈ ఏడాది తగ్గుముఖం పట్టాయి. కోనన్ ఓ’బ్రియన్ హోస్ట్‌గా వ్యవహరించిన 98వ ఆస్కార్ వేడుక ఈసారి తక్కువ ప్రేక్షకులను ఆకర్షించింది.

గత ఆదివారం నిర్వహించిన ఈ వేడుకను ఏబీసీ టీవీ ఛానల్ మరియు హులు ఓటీటీ వేదికల ద్వారా కలిపి సుమారు 17.9 మిలియన్ల మంది వీక్షించారు. గత ఏడాది 19.7 మిలియన్లతో పోలిస్తే ఇది దాదాపు 9 శాతం తగ్గుదల. ముఖ్యంగా 18 నుంచి 49 ఏళ్ల మధ్య వయస్సు గల యువ ప్రేక్షకుల్లో సుమారు 14 శాతం తగ్గుదల కనిపించడం మొత్తం వ్యూయర్‌షిప్ తగ్గడానికి ప్రధాన కారణంగా భావిస్తున్నారు.