ఫిబ్రవరి రెండో వారంలో మున్సిపల్ ఎలక్షన్స్

ఫిబ్రవరిలో గడువు ముగియనున్న జీహెచ్ఎంసీ తో పాటు, రాష్ట్రంలోని మిగతా పట్టణ స్థానిక సంస్థలకు ఒకేసారి ఎన్నికలు నిర్వహించాలనే దిశగా ప్రభుత్వం నిర్ణయం తీసుకున్నట్లు సమాచారం. విద్యార్థుల పరీక్షల సీజన్ ప్రారంభమయ్యేలోగానే ఈ ఎన్నికల ప్రక్రియ పూర్తయ్యేలా ప్రణాళికలు రూపొందిస్తున్నారు.

అయితే ఖమ్మం, వరంగల్ మున్సిపల్ కార్పొరేషన్లు, అలాగే మహబూబ్‌నగర్, నల్గొండ జిల్లాల్లోని రెండు మున్సిపాలిటీల పాలకవర్గాలకు ఏప్రిల్ వరకు గడువు ఉండటంతో, ఈ ఎన్నికల ప్రక్రియ నుంచి వాటిని మినహాయించాలని ప్రభుత్వం భావిస్తోంది.

ఇక ఎన్నికలు ఎప్పుడు ప్రకటించినా సిద్ధంగా ఉండేందుకు ఎన్నికల సంఘం ముందస్తు చర్యలు చేపట్టింది. జనవరి రెండో వారం నాటికి ఓటర్ల జాబితా సిద్ధం చేసేలా అవసరమైన ఏర్పాట్లు ప్రారంభించినట్లు తెలుస్తోంది.