ఏఐ ఇంపాక్ట్ సమ్మిట్ లో కృష్ణార్జునుల డిజిటల్ అవతారాలు...

ఢిల్లీ లో జరుగుతున్న ఏఐ ఇంపాక్ట్ సమ్మిట్ లో మహాభారతంలోని శ్రీకృష్ణుడు మరియు అర్జునుడు ఆధారంగా రూపొందించిన ఏఐ డిజిటల్ అవతారాలు ప్రధాన ఆకర్షణగా నిలిచాయి. రిలయన్స్ ఇండస్ట్రీస్ కు చెందిన జియో ఇంటెలిజెన్స్ పెవిలియన్ లో ఏర్పాటు చేసిన ఈ హైటెక్ ప్రదర్శన సందర్శకులను విశేషంగా ఆకట్టుకుంటోంది.

హోలోగ్రామ్ సాంకేతికతతో రూపొందించిన ఈ కృష్ణార్జునుల అవతారాలు, సందర్శకులు అడిగే ప్రశ్నలకు ప్రత్యక్షంగా సమాధానాలు ఇస్తున్నాయి. ధర్మం, జీవితం, అంతర్ముఖ శత్రువులు వంటి విషయాలపై ఏఐ ఆధారంగా స్పందనలు అందిస్తున్నాయి.

అదే సమయంలో, పూర్తిగా ఏఐతో రూపొందించిన "మహాభారతం: ఏక్ ధర్మయుద్ధ" సిరీస్ కు సంబంధించిన కొన్ని దృశ్యాలను కూడా ప్రదర్శించారు. పాత ఇతిహాసాలను ఆధునిక తరానికి చేరువ చేయాలనే ఉద్దేశంతో ఈ ప్రాజెక్టును ప్రారంభించినట్లు రిలయన్స్ వర్గాలు వెల్లడించాయి.