హెచ్‌పీవీ వ్యాక్సినేషన్ డ్రైవ్‌ను ప్రారంభించిన మంత్రి దామోదర్

హైదరాబాద్‌లోని కింగ్ కోఠి హాస్పిటల్‌లో ఆరోగ్యశాఖ మంత్రి దామోదర్ రాజనర్సింహ, ఎంపీ అనిల్ కుమార్ యాదవ్ సమక్షంలో HPV వ్యాక్సినేషన్ డ్రైవ్ ప్రారంభించారు. కార్యక్రమంలో వ్యాక్సినేషన్ పొందిన బాలికలకు మంత్రి వ్యాక్సినేషన్ సర్టిఫికెట్లు అందజేశారు. ఈ వ్యాక్సినేషన్ డ్రైవ్ మూడు నెలల పాటు కొనసాగుతుంది. ప్రారంభంలో ఈ వ్యాక్సిన్ ప్రభుత్వ జనరల్ హాస్పిటళ్లు, ఏరియా హాస్పిటళ్లు, కమ్యూనిటీ హెల్త్ సెంటర్లలో అందుబాటులో ఉంటుంది. తరువాత, ప్రాథమిక ఆరోగ్య కేంద్రాల్లో కూడా అందుబాటులోకి తీసుకురావడం జరుగుతుంది.

మంత్రి ప్రసంగంలో, రాష్ట్రంలో క్యాన్సర్ కేసులు పెరుగుతున్న నేపథ్యంలో, ఆడబిడ్ల ఆరోగ్యాన్ని కాపాడేందుకు ప్రభుత్వం తీసుకుంటున్న సమగ్ర చర్యలను వివరించారు. ప్రతి జిల్లాలో డే కేర్ క్యాన్సర్ సెంటర్లను ఏర్పాటు చేసినట్లయితే, ములుగు, ఆదిలాబాద్ వంటి రిమోట్ ప్రాంతాల్లో కూడా కీమోథెరపీ సేవలను అందుబాటులోకి తీసుకొచ్చామని చెప్పారు. అలాగే, మొబైల్ స్క్రీనింగ్ యూనిట్స్ ద్వారా ముందస్తు గుర్తింపు, ఆరోగ్య మహిళ క్లినిక్స్ ద్వారా విస్తృత పరీక్షలు, క్యాన్సర్‌ను నోటిఫైబుల్ డిసీజ్‌గా ప్రకటించి మరింత కఠిన నియంత్రణ చర్యలు చేపట్టనున్నట్లు తెలిపారు.

ఈ HPV వ్యాక్సినేషన్ డ్రైవ్ 14–15 ఏళ్ల బాలికల కోసం, రాష్ట్రవ్యాప్తంగా సుమారు 3.5–4 లక్షల మంది బాలికలకు మూడు నెలలలో అందించబడనుంది. ప్రైవేట్ ఆసుపత్రుల్లో ఒక్క డోసు ₹3,000–4,000 ఖర్చు అయ్యే ‘గార్డాసిల్’ వ్యాక్సిన్, ప్రభుత్వం ద్వారా పూర్తిగా ఉచితంగా అందించబడుతుంది. మంత్రి తల్లిదండ్రులను వెంటనే వ్యాక్సిన్ తీసుకోవాలని, ఆడబిడ్ల భవిష్యత్తు, తద్వారా తెలంగాణ భవిష్యత్తును రక్షించాల్సిన అవసరాన్ని గుర్తు చేశారు. కార్యక్రమంలో ఎంపీ అనిల్ కుమార్ యాదవ్, హెల్త్ ప్రిన్సిపల్ సెక్రటరీ క్రిస్టినా జడ్ చొంగ్తు, హెల్త్ & ఫ్యామిలీ వెల్ఫేర్ కమిషనర్ డాక్టర్ సంగీత సత్యనారాయణ తదితరులు పాల్గొన్నారు.