ఐబొమ్మ రవి అరెస్ట్‌పై సీపీ సజ్జనార్ షాకింగ్ రివీల్స్ ... పైరసీ మాఫియాలో సంచలన నిజాలు బయటకు

ఐబొమ్మ రవి అరెస్ట్ తర్వాత సీపీ సజ్జనార్ మీడియా సమావేశం నిర్వహిస్తూ పలు సంచలన విషయాలను బయటపెట్టారు. వెబ్‌సైట్ డిజైన్, డెవలప్‌మెంట్‌లో రవి కి మంచి అవగాహన ఉండడంతోనే పైరసీ నెట్‌వర్క్‌ను నడిపాడని తెలిపారు. సీక్రెట్ కెమెరాలతో కొత్తగా విడుదల కానున్న సినిమాలను దొంగచాటుగా రికార్డ్ చేసి ఆన్‌లైన్‌లో పెట్టే విధానాన్ని అతను ఉపయోగించాడని సీపీ వెల్లడించారు. ఒకసారి అధికారులు సైట్‌ను బ్లాక్ చేస్తే వెంటనే కొత్త డొమైన్‌తో మరో వెబ్‌సైట్‌ను తయారు చేసే టెక్నికల్ స్కిల్స్ రవికి ఉన్నాయని చెప్పారు.

“దమ్ముంటే పట్టుకోండి” అంటూ చాలెంజ్ చేసిన రవి, ఇప్పుడు జైల్లో ఉంటూ పరిణామాలు ఎదుర్కొంటున్నాడని సీపీ గుర్తు చేశారు. పైరసీ వల్ల పరిశ్రమకు భారీ నష్టం జరుగుతుందని, దీనిని కట్టడి చేయడానికి కఠిన చర్యలు తీసుకుంటున్నామని సీపీ సజ్జనార్ స్పష్టం చేశారు.