మార్చ్ 16 నుండి ఏ పి పదో తరగతి పరీక్షలు, షెడ్యూల్ విడుదల

ఆంధ్రప్రదేశ్ ప్రభుత్వ విద్యాశాఖ 2026 SSC 10వ తరగతి వార్షిక పరీక్షల పూర్తి షెడ్యూల్‌ను అధికారికంగా విడుదల చేసింది. మార్చి 16 నుంచి ఏప్రిల్ 1 వరకు రాష్ట్రవ్యాప్తంగా పరీక్షలు నిర్వహించనున్నట్లు ప్రకటించింది. ఈసారి పరీక్షలను సమయపాలన, పారదర్శకత్వం, మరియు విద్యార్థుల సౌకర్యాన్ని దృష్టిలో ఉంచుకొని ప్రత్యేకమైన ప్రణాళికతో రూపొందించినట్లు అధికారులు తెలిపారు.

షెడ్యూల్ ప్రకారం మార్చి 16న ఫస్ట్ లాంగ్వేజ్ పేపర్–1, 18న సెకండ్ లాంగ్వేజ్, 20న ఇంగ్లిష్, 23న మ్యాథమేటిక్స్, 25న ఫిజిక్స్, 28న బయాలజీ, 30న సోషల్ స్టడీస్, 31న ఫస్ట్ లాంగ్వేజ్ పేపర్–2 పరీక్షలు జరుగనున్నాయి. చివరిగా ఏప్రిల్ 1న SSC వృత్తి విద్య (Vocational Courses) పరీక్షలు ఉంటాయి.

ప్రతిరోజూ పరీక్షలు ఉదయం 9:30 గంటల నుంచి మధ్యాహ్నం 12:45 గంటల వరకు జరుగుతాయని, విద్యార్థులు కనీసం 30 నిమిషాల ముందుగానే పరీక్ష కేంద్రాలకు చేరాలని సూచించారు. విద్యార్థులు ఈసారి విడుదలైన షెడ్యూల్‌ను ఆధారంగా తీసుకుని సన్నద్ధతను పెంచుకోవాలని విద్యాశాఖ సూచించింది.