‘టాక్సిక్‌’ విమర్శలపై యశ్‌ ఘాటు స్పందన

రాకింగ్‌ స్టార్‌ యశ్‌ కథానాయకుడిగా నటిస్తున్న పాన్‌ ఇండియా చిత్రం ‘టాక్సిక్‌’పై ఇటీవల విడుదలైన ప్రచార చిత్రాలు, టీజర్‌, ట్రైలర్‌ విషయంలో విమర్శలు వ్యక్తమయ్యాయి. సినిమాలో మహిళలను తప్పుగా చూపించారని, అశ్లీలతతో పాటు పురుషాధిక్యత ఎక్కువగా ఉందని కొందరు ఆరోపించారు. ఈ విమర్శలపై యశ్‌ స్పందిస్తూ, తాను ఎప్పుడూ అశ్లీలతను ప్రోత్సహించనని స్పష్టం చేశారు. సన్నిహిత సన్నివేశాలకు కూడా ఓ హద్దు ఉంటుందని, వాటిని కళాత్మకంగా తెరకెక్కించాల్సిన అవసరం ఉందని అన్నారు.

‘టాక్సిక్‌’లో యువతకు, వారి తల్లిదండ్రులకు మధ్య ఉన్న ఆలోచనా విధానాల వ్యత్యాసం, పాత నిబంధనలపై యువత ప్రశ్నలు, భావోద్వేగాలను ప్రధానంగా చూపించినట్లు యశ్‌ తెలిపారు. ‘కేజీఎఫ్‌’ తర్వాత ఆయన నటిస్తున్న ఈ చిత్రానికి గీతు మోహన్‌దాస్‌ దర్శకత్వం వహిస్తున్నారు. డ్రగ్స్‌ మాఫియా నేపథ్యంలో తెరకెక్కుతున్న ఈ చిత్రంలో యశ్‌ ద్విపాత్రాభినయం చేస్తున్నారు. కియారా అడ్వాణీ, నయనతార, హ్యూమా ఖురేషీ, తారా సుతారియా, రుక్మిణి వసంత్‌ కీలక పాత్రల్లో నటిస్తున్నారు. ఈ చిత్రం ఆగస్టు 26న విడుదల కానుంది.