మాళవికకు ఆ పాత్ర చాలా స్పెషల్... ఎందుకంటే?

తన నటన, అందంతో తెలుగు, తమిళ చిత్రసీమలో మంచి గుర్తింపు తెచ్చుకున్న కోలీవుడ్ యంగ్ హీరోయిన్ మాళవిక మోహనన్ వరుస సినిమాలతో బిజీగా ఉన్నారు. ప్రస్తుతం కార్తి సరసన ‘సర్దార్-2’ చిత్రంలో నటిస్తున్న ఆమె, దర్శకుడు త్యాగరాజన్ కుమారరాజ తెరకెక్కిస్తున్న క్రైమ్ డ్రామా ‘పాకెట్ నావల్’లోనూ ప్రధాన పాత్ర పోషిస్తున్నారు. షూటింగ్‌లతో బిజీగా ఉన్నప్పటికీ సోషల్ మీడియాలో యాక్టివ్‌గా ఉంటూ అభిమానులతో తన సినిమా విశేషాలను పంచుకుంటున్నారు.

తాజాగా నిర్వహించిన “ఆస్క్ మీ ఎనీథింగ్” సెషన్‌లో ఓ అభిమాని తనకు ఇష్టమైన పాత్ర గురించి అడగగా, ఇప్పటివరకు చేసిన పాత్రల్లో ఒక్కదాన్ని ఎంపిక చేయడం కష్టమని మాళవిక తెలిపారు. అయితే రాబోయే సినిమాల్లో ‘పాకెట్ నావల్’లోని జీవ పాత్రపై ఎక్కువ ఆసక్తిగా ఉన్నానని వెల్లడించారు. త్యాగరాజన్ కుమారరాజ పాత్రలను తీర్చిదిద్దే విధానం తనకు ఎంతో ఇష్టమని, జీవ పాత్ర తాను ఇప్పటివరకు చేసిన పాత్రలన్నింటికంటే చాలా భిన్నంగా ఉంటుందని చెప్పారు.