తెలుగు నటిగా గర్విస్తున్నా..టాలీవుడ్‌కు ఎప్పటికీ అండగా ఉంటా – పాయల్ రాజ్‌పుత్

టాలీవుడ్ నటి పాయల్ రాజ్‌పుత్ తెలుగు, తమిళ, హిందీ, పంజాబీ చిత్ర పరిశ్రమల్లో పలు సినిమాల్లో నటించి మంచి గుర్తింపు సంపాదించుకున్నారు. తెలుగులో ఆర్ఎక్స్ 100, మంగళవారం వంటి సంచలన విజయాలతో ప్రేక్షకుల్లో ప్రత్యేకమైన క్రేజ్ తెచ్చుకున్నారు. షూటింగ్‌లతో ఎంత బిజీగా ఉన్నప్పటికీ సోషల్ మీడియాలో యాక్టివ్‌గా ఉంటూ పలు అంశాలపై తన అభిప్రాయాలను వ్యక్తం చేస్తుంటారు. తాజాగా ఆమె చేసిన ఓ పోస్ట్ నెట్టింట వైరల్‌గా మారింది.

తాను తెలుగు నటిగా ఉండటం ఎంతో గర్వంగా ఉందని పాయల్ రాజ్‌పుత్ స్పష్టం చేశారు. ఇన్నేళ్లుగా పేరు, ప్రఖ్యాతులు, గుర్తింపు, అవకాశాలు ఇచ్చిన తెలుగు చిత్ర పరిశ్రమ నుంచే అన్నీ పొందిన తర్వాత, ఇప్పుడు మొత్తం తెలుగు వ్యవస్థను నిందించడం అసంబద్ధమైన ద్వేషం తప్ప మరొకటి కాదని పేర్కొన్నారు. తనను ఈ స్థాయికి తీసుకొచ్చింది టాలీవుడ్‌నేనని, తన ఎదుగుదలకు అండగా నిలిచిన ఈ పరిశ్రమకు తాను ఎప్పటికీ మద్దతుగా ఉంటానని తెలిపారు. ఆమె చేసిన ఈ వ్యాఖ్యలు ప్రస్తుతం సోషల్ మీడియాలో చర్చనీయాంశంగా మారాయి.