వినూత్న కథాంశంతో గ్రాండ్ రిలీజ్‌కు రెడీ అయిన ‘సందిగ్ధం’!

సందిగ్ధం సినిమా డిఫరెంట్ కాన్సెప్ట్‌తో తెరకెక్కి ప్రేక్షకుల ముందుకు రావడానికి సిద్ధమవుతోంది. నిహాల్, ప్రియా దేశ్ పాగ్, అర్జున్ సిహెచ్, కాజల్ తివారి, నవీన్ రాజ్ సంకరపు ప్రధాన పాత్రల్లో నటించిన ఈ చిత్రానికి పార్థసారధికొమ్మోజు దర్శకత్వం వహించారు. తీర్థ క్రియేషన్స్ బ్యానర్‌పై సంధ్య తిరువీధుల నిర్మించిన ఈ చిత్రం ఇప్పటికే పోస్టర్లు, టీజర్‌తో ప్రేక్షకుల్లో ఆసక్తిని పెంచింది.

ఇప్పటికే షూటింగ్, పోస్ట్ ప్రొడక్షన్ పనులు పూర్తి చేసుకున్న చిత్రబృందం ప్రమోషన్స్‌ను కూడా ప్రారంభించింది. త్వరలో సెన్సార్ కార్యక్రమాలు పూర్తి చేసి ఈ నెల 29న ఈ సినిమాను గ్రాండ్‌గా విడుదల చేయనున్నారు. ఈ చిత్రానికి గౌతమ్ రవి రామ్ సంగీతం అందించగా, నందన్ కృష్ణ సినిమాటోగ్రఫీ నిర్వహించారు. విశ్వన్ రాజ్ డిఎస్ ఎడిటర్‌గా పనిచేశారు. జీవా కొచెర్ల, చిట్టిబాబు, ఆనంద్ భారతి, రైజింగ్ రాజు తదితరులు కీలక పాత్రల్లో కనిపించనున్నారు.