క్రీడలు
1, జులై 2026, బుధవారం
రాకింగ్ స్టార్ యశ్ కథానాయకుడిగా, గీతూ మోహన్ దాస్ దర్శకత్వంలో రూపొందుతున్న పాన్-ఇండియా యాక్షన్ ఎపిక్ ‘టాక్సిక్: ఏ ఫెయిరీ టేల్ ఫర్ గ్రోన్-అప్స్’ నుంచి విడుదలైన ‘లేడీస్ & లేడీస్’ స్పెషల్ గ్లిమ్స్ సోషల్ మీడియాలో భారీ స్పందనను సొంతం చేసుకుంది. డార్క్, స్టైలిష్, డేంజరస్ ప్రపంచాన్ని శాసించే శక్తివంతమైన మహిళా పాత్రలను పరిచయం చేస్తూ విడుదలైన ఈ వీడియో సినిమాపై అంచనాలను మరింత పెంచింది. పవర్, మిస్టరీ, అటిట్యూడ్, అడ్రినలిన్తో నిండిన విజువల్స్ ప్రేక్షకులను విశేషంగా ఆకట్టుకుంటున్నాయి.
ఈ గ్లిమ్స్లో నయనతార, కియారా అద్వానీ, తారా సుతారియా, రుక్మిణి వసంత్, హ్యూమా ఖురేషి తమ స్టైలిష్ స్క్రీన్ ప్రెజెన్స్తో ప్రత్యేక ఆకర్షణగా నిలిచారు. మహిళా వాయిస్ ఓవర్తో వినిపించిన పవర్ఫుల్ డైలాగ్స్ వీడియోకు మరింత బలం చేకూర్చాయి. గీతూ మోహన్ దాస్ ప్రత్యేక విజువల్ స్టైల్, స్టైలైజ్డ్ యాక్షన్, ఆసక్తికరమైన వాతావరణం సినిమాపై ఉత్కంఠను పెంచుతున్నాయి. కెవిఎన్ ప్రొడక్షన్స్, మాన్స్టర్ మైండ్ క్రియేషన్స్ నిర్మిస్తున్న ఈ చిత్రం కన్నడ, తెలుగు, తమిళం, హిందీ, మలయాళం, ఇంగ్లీష్ భాషల్లో ఈ ఏడాది ఆగస్టు 26న ప్రపంచవ్యాప్తంగా విడుదల కానుంది.
కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!