
రాజకీయాలు

టాలీవుడ్లో మరో పెళ్లి సందడి మొదలుకానుంది. ప్రముఖ నిర్మాత రాజ్ కందుకూరి తనయుడు, యువ నటుడు శివ కందుకూరి త్వరలో ఓ ఇంటివాడు కాబోతున్నారు. హైదరాబాద్కు చెందిన ఆర్కిటెక్ట్ శిశిర సింహతో ఆయన వివాహం డిసెంబర్లో జరగనుంది. ఈ విషయాన్ని శివ సోషల్ మీడియా వేదికగా వెల్లడించారు. కొత్త జీవితాన్ని ప్రారంభించబోతున్న ఈ జంటకు అభిమానులు, సినీ ప్రముఖులు శుభాకాంక్షలు తెలియజేస్తున్నారు.
శివ కందుకూరి 2020లో విడుదలైన ‘చూసి చూడంగానే’ చిత్రంతో నటుడిగా తెలుగు సినీ పరిశ్రమలోకి అడుగుపెట్టారు. ఆ తర్వాత ‘గమనం’, ‘మను చరిత్ర’, ‘మనమే’, ‘అనగనగా’ వంటి చిత్రాల్లో నటించి గుర్తింపు తెచ్చుకున్నారు. గతేడాది జియో హాట్స్టార్లో ప్రసారమైన ‘దేవిక అండ్ డానీ’ వెబ్ సిరీస్లో సుబ్బు పాత్రలోనూ ప్రేక్షకులను ఆకట్టుకున్నారు. తాజాగా తన వివాహ ప్రకటనతో శివ మరోసారి వార్తల్లో నిలిచారు.














కామెంట్స్ (0)
ఇప్పటికి కామెంట్స్ లేవు
మొదటిగా కామెంట్ చేయండి!