ది ప్యారడైజ్ జోరు.. బాక్సాఫీస్ వద్ద నాని మూవీ దూకుడు

నేచురల్ స్టార్ నాని హీరోగా, కయాదు లోహర్ హీరోయిన్‌గా శ్రీకాంత్ ఓదెల దర్శకత్వంలో తెరకెక్కిన ది ప్యారడైజ్ సినిమా బాక్సాఫీస్ వద్ద తన జోరును కొనసాగిస్తోంది. భారీ అంచనాల మధ్య విడుదలైన ఈ చిత్రం తొలి రోజుల్లోనే మంచి వసూళ్లు రాబట్టగా, వీకెండ్‌లోనూ బలమైన కలెక్షన్లు నమోదు చేసింది. పీఆర్ లెక్కల ప్రకారం ఐదో రోజు ప్రపంచవ్యాప్తంగా సుమారు రూ.10 కోట్ల గ్రాస్ వసూలు చేసింది.

తాజా వసూళ్లతో ఐదు రోజుల్లో ఈ సినిమా ప్రపంచవ్యాప్తంగా దాదాపు రూ.165 కోట్ల గ్రాస్‌ను అందుకుంది. ప్రస్తుతం రూ.200 కోట్ల గ్రాస్ మార్క్ దిశగా దూసుకెళ్తోంది. దీంతో ది ప్యారడైజ్ నాని కెరీర్‌లో మరో ముఖ్యమైన బాక్సాఫీస్ విజయంగా నిలిచే దిశగా సాగుతోంది. ఈ సినిమాలో మోహన్ బాబు పవర్ఫుల్ విలన్ పాత్రలో నటించగా, రాఘవ్ జుయల్ కీలక పాత్రలో కనిపించారు. అనిరుద్ రవిచందర్ సంగీతం అందించారు.