'ది ఒడిస్సీ' టికెట్లకు భారీ క్రేజ్

హాలీవుడ్ దర్శకుడు క్రిస్టోఫర్ నోలన్ తెరకెక్కించిన 'ది ఒడిస్సీ' సినిమాపై ప్రేక్షకుల్లో భారీ ఆసక్తి నెలకొంది. హైదరాబాద్‌లోని అల్లు సినిమాస్ డాల్బీ స్క్రీన్ మరియు ప్రసాద్స్ బిగ్ స్క్రీన్లో ప్రదర్శించనున్న షోల టికెట్లకు ఇప్పటికే విపరీతమైన డిమాండ్ ఏర్పడినట్లు సమాచారం.

టికెట్లు దక్కించుకునేందుకు రాజకీయ నాయకులు, ప్రముఖులు, ప్రభావశీలులు సైతం సిఫార్సులు చేస్తున్నారనే ప్రచారం జరుగుతోంది. చిన్ననాటి నుంచి పుస్తకాల్లో చదివిన కథ ఆధారంగా రూపొందిన ఈ చిత్రం విడుదలకు ముందే భారీ బజ్‌ను సొంతం చేసుకుంది. నోలన్ సినిమాలకు ప్రపంచవ్యాప్తంగా ఉన్న ప్రత్యేక అభిమాన వర్గం మరోసారి స్పష్టమవుతోందని సినీ వర్గాలు పేర్కొంటున్నాయి.