రష్మిక పోస్టుకు విజయ్ దేవరకొండ ఫన్నీ రిప్లై

‘రణబాలి’ చిత్రానికి సంబంధించిన రష్మిక మందన్న సోషల్ మీడియా పోస్ట్ అభిమానుల దృష్టిని ఆకర్షిస్తోంది. సినిమాలో విజయ్ దేవరకొండ మాస్ లుక్‌ను ఉద్దేశిస్తూ ఆమె, "వీళ్లేదో భయంకరమైన వర్క్ చేస్తున్నారు.. బిగ్ స్క్రీన్‌పై చూడాలని ఎదురుచూస్తున్నా" అంటూ పోస్ట్ చేశారు. ఈ వ్యాఖ్య సోషల్ మీడియాలో వైరల్‌గా మారి అభిమానుల్లో సినిమాపై ఆసక్తిని మరింత పెంచింది.

రష్మిక పోస్టుకు విజయ్ దేవరకొండ సరదాగా స్పందిస్తూ, "క్యూటీ... భయం కాదు, డివైన్!" అని రిప్లై ఇచ్చారు. వీరిద్దరి మధ్య జరిగిన ఈ చమత్కార సంభాషణ అభిమానులను ఆకట్టుకుంటోంది. ఇదిలా ఉండగా, ‘రణబాలి’ చిత్రంలో విజయ్ దేవరకొండ, రష్మిక మందన్న జంట మరోసారి కలిసి నటిస్తుండటంతో ఈ సినిమాపై భారీ అంచనాలు నెలకొన్నాయి.