నా కెరీర్ టర్నింగ్ పాయింట్ ఆ సినిమానే : ఐశ్వర్య రాజేష్

యంగ్ హీరోయిన్ ఐశ్వర్య రాజేష్ తమిళ, తెలుగు సినిమాల్లో నటిస్తూ మంచి గుర్తింపు సంపాదించుకుంది. తాజాగా ఆమె నటించిన ‘ఇసకపట్నం’ వెబ్ సిరీస్ అమెజాన్ ప్రైమ్ వీడియోలో స్ట్రీమింగ్‌కు అందుబాటులోకి వచ్చింది. ఈ నేపథ్యంలో ఓ ఇంటర్వ్యూలో ఆమెకు ‘సంక్రాంతికి వస్తున్నాం’ సినిమాతోనే మీకు పెద్ద గుర్తింపు వచ్చిందని అనుకుంటున్నారా? అనే ప్రశ్న ఎదురైంది.

దానికి స్పందించిన ఐశ్వర్య రాజేష్, తాను ఇప్పటివరకు దాదాపు 35 సినిమాల్లో నటించానని తెలిపారు. అయితే ఆ సినిమాల ద్వారా రాని క్రేజ్ ‘సంక్రాంతికి వస్తున్నాం’ సినిమాతో వచ్చిందని చెప్పారు. ఆ సినిమాలో తన పాత్ర ప్రతి వయసు ప్రేక్షకులకు కనెక్ట్ అయిందని, అది తన కెరీర్‌లో ప్రత్యేకమైన పాత్రగా నిలిచిపోతుందని తెలిపారు. ఇక ఆమె త్వరలో ‘ఓ..! సుకుమారి’ సినిమాతో జూలై 17న ప్రేక్షకుల ముందుకు రానుంది.