సౌత్ సినిమాలపై బాలీవుడ్ లేబెల్ వివాదం..

గత కొన్ని సంవత్సరాల్లో భారతీయ సినిమా పూర్తిగా మారిపోయింది. ఒకప్పుడు బాలీవుడ్ భారతీయ సినిమాకు ప్రతినిధిగా ఉండేది. కానీ ఇప్పుడు సౌత్ ఇండియన్ సినిమా దేశవ్యాప్తంగా ఆధిపత్యం చూపిస్తోంది. తెలుగు, తమిళ, కన్నడ, మలయాళ చిత్ర పరిశ్రమలు పాన్ ఇండియా స్థాయిలో భారీ విజయాలు సాధిస్తున్నాయి.

ఈ మార్పు రాజమౌళి ‘బాహుబలి’తో ప్రారంభమై ‘ఆర్ఆర్ఆర్’, ‘పుష్ప’, ‘కేజీఎఫ్’ వంటి సినిమాలతో కొనసాగింది. అయితే ఇటీవల కొన్ని హిందీ మీడియా సంస్థలు ‘పుష్ప’, ‘కేజీఎఫ్’ వంటి హిట్ ఫ్రాంచైజీలను బాలీవుడ్ సినిమాలుగా పేర్కొనడం వివాదానికి దారితీసింది. ఈ సినిమాలు సౌత్ ఇండస్ట్రీకి చెందినవని, కొత్త కథనం, భారీ యాక్షన్, భావోద్వేగాలతోనే దేశవ్యాప్తంగా విజయాలు సాధించాయని ప్రేక్షకులు చెబుతున్నారు.