‘ఇడుపు కాయితం’గా ప్రియదర్శి కొత్త సినిమా..

సుకుమార్ రైటింగ్స్, బన్నీ వాస్ వర్క్స్ బ్యానర్లపై ప్రియదర్శి, నాగదుర్గ జంటగా రూపొందుతున్న కొత్త చిత్రానికి సంబంధించిన టైటిల్, ఫస్ట్ లుక్ పోస్టర్‌ను మేకర్స్ విడుదల చేశారు. ఈ చిత్రానికి ‘ఇడుపు కాయితం’ అనే ఆసక్తికరమైన టైటిల్‌ను ఖరారు చేయగా, పోస్టర్ విడుదలతోనే ప్రేక్షకుల్లో సినిమాపై ఆసక్తి పెరిగింది.

ఫస్ట్ లుక్ పోస్టర్‌ను పరిశీలిస్తే ఇది గ్రామీణ నేపథ్యంతో సాగే స్వచ్ఛమైన ప్రేమకథగా తెరకెక్కుతున్నట్లు తెలుస్తోంది. బైక్‌పై ప్రయాణిస్తున్న హీరో, హీరోయిన్, సంప్రదాయ దుస్తుల్లో కనిపిస్తున్న నాగదుర్గ, గ్రామీణ వాతావరణాన్ని ప్రతిబింబించే అంశాలు సినిమాకు ప్రత్యేక ఆకర్షణగా నిలుస్తున్నాయి. వంశీ రెడ్డి దర్శకత్వంలో రూపొందుతున్న ఈ చిత్రానికి సురేష్ బొబ్బిలి సంగీతం అందిస్తున్నారు.