యూట్యూబ్‌లో రికార్డుల వర్షం కురిపిస్తున్న ‘పెద్ది’ సాంగ్!

పెద్దిలో రామ్ చరణ్ నటించిన సెకండ్ సింగిల్ “రై రై రా రా” డిజిటల్ ప్లాట్‌ఫార్మ్‌లలో సంచలనం సృష్టిస్తోంది. యూట్యూబ్‌లో ఈ పాట 70 మిలియన్ వ్యూస్‌ను దాటుతూ మ్యూజిక్ చార్ట్‌లలో టాప్ ట్రెండింగ్‌లో నిలిచింది. ఆస్కార్ విజేత ఏ. ఆర్. రెహమాన్ అందించిన మాస్ మరియు ఎనర్జిటిక్ ట్యూన్ ప్రేక్షకులను విపరీతంగా ఆకట్టుకుంటోంది. రామ్ చరణ్ చూపించిన స్వాగ్, స్టైల్, ఎనర్జీ అభిమానులను ఉర్రూతలూగిస్తోంది.

దర్శకుడు బుచ్చిబాబు సనా తెరకెక్కిస్తున్న ఈ రూరల్ స్పోర్ట్స్ డ్రామా ఏప్రిల్ 30న ప్రపంచవ్యాప్తంగా విడుదల కానుంది. తమిళంలో “హోయ్ హోయ్ వీరా”, హిందీలో “వా వా వీరా” పేర్లతో విడుదలైన ఈ పాట అన్ని భాషల్లోనూ మంచి ఆదరణ పొందుతోంది. రత్నవేలు సినిమాటోగ్రఫీ అందించిన రా అండ్ రస్టిక్ విజువల్స్ సినిమాకు ప్రత్యేక ఆకర్షణగా నిలిచాయి. జాన్వీ కపూర్, శివ రాజ్‌కుమార్, జగపతి బాబు, బోమన్ ఇరానీ వంటి ప్రముఖులు నటిస్తున్న ఈ చిత్రంపై అంచనాలు మరింత పెరిగాయి.