పవన్ కళ్యాణ్ జానీ మూవీకి 23 ఏళ్లు..

తొలి ప్రేమ, తమ్ముడు, బద్రి, ఖుషి వంటి వరుస విజయాలతో పవన్ కళ్యాణ్ స్టార్ హీరోగా ఎదిగారు. తన ప్రత్యేకమైన స్టైల్, నటనతో భారీ ఫ్యాన్ బేస్ సంపాదించారు. ఖుషి సినిమా తర్వాత ఆయన తదుపరి సినిమా ఏమిటో తెలుసుకోవాలని అభిమానులు ఆసక్తిగా ఎదురుచూశారు. చాలా రోజుల తర్వాత నిర్మాత అల్లు అరవింద్ 2002 మార్చిలో జానీ సినిమాను ప్రకటించారు. ఈ సినిమాలో రేణు దేశాయ్‌ ముఖ్య పాత్రలో నటించారు.

ఈ సినిమా కోసం పవన్ కళ్యాణ్ పూర్తిగా మారిపోయారు. కొత్త లుక్ కోసం బరువు తగ్గి, హెయిర్ స్టైల్ మార్చుకున్నారు. మార్షల్ ఆర్ట్స్ నేర్చుకోవడానికి విదేశాలకు వెళ్లారు. అభిమానులు ఆయన కొత్త లుక్ చూసి చాలా ఎగ్జైట్ అయ్యారు. రమణ గోగుల సంగీతం మంచి హిట్ అయింది. భారీ అంచనాల మధ్య విడుదలైన ఈ సినిమా ప్రేక్షకులను ఆశించినంతగా ఆకట్టుకోలేకపోయింది. కథ నెమ్మదిగా ఉండటం వల్ల చాలా మంది నిరాశ చెందారు.

తర్వాత ఈ సినిమా ఫ్లాప్ అయిన విషయాన్ని పవన్ కళ్యాణ్ స్వయంగా ఒప్పుకున్నారు. సృజనాత్మక రంగంలో విఫలం సహజమని చెప్పారు. ఆయనకు చిరంజీవి మరింత సరైన విధంగా కష్టపడాల్సిందని సూచించారు. తాను కష్టపడ్డానని కానీ సరైన మార్గంలో కాకపోవచ్చని ఆయన చెప్పారు. ఈ సినిమా హిట్ అయి ఉంటే సినిమాలు మానేసేవాడినని కూడా తెలిపారు. ఆ సమయంలో శిష్టా ఆంజనేయశాస్త్రి రచించిన పుస్తకం ఆయన ఆలోచనలను రాజకీయాల వైపు మలిచింది. ఆ పుస్తకాన్ని ఆయనకు నాగబాబు అందించారు.