మైత్రి మూవీ మేకర్స్ వ్యూహంలో కీలక మార్పులు...

టాలీవుడ్ ప్రముఖ నిర్మాణ సంస్థ మైత్రి మూవీ మేకర్స్ తమ వ్యాపార వ్యూహాల్లో కీలక మార్పులు చేస్తున్నట్లు సమాచారం. ఇటీవల కొన్ని భారీ చిత్రాలు ఆశించిన ఫలితాలు ఇవ్వకపోవడం, అలాగే ఓటీటీ–శాటిలైట్ మార్కెట్ మందగించడం నేపథ్యంలో మిడ్-రేంజ్ ప్రాజెక్టులను తాత్కాలికంగా నిలిపివేసినట్లు టాక్ వినిపిస్తోంది.

దీంతో వరుణ్ తేజ్, శర్వానంద్, నితిన్ వంటి హీరోలతో ప్లాన్ చేసిన కొన్ని సినిమాలు ప్రస్తుతానికి హోల్డ్‌లో ఉన్నట్లు ప్రచారం జరుగుతోంది. ప్రస్తుతం భారీ స్టార్ హీరోల సినిమాలపైనే దృష్టి పెట్టిన ఈ సంస్థ, మార్కెట్ పరిస్థితులు మెరుగుపడిన తర్వాత మిడ్ రేంజ్ ప్రాజెక్టులపై నిర్ణయం తీసుకునే అవకాశం ఉందని సినీ వర్గాలు చెబుతున్నాయి.