‘రోమాంచకం’ నుంచి సుమంత్ ప్రభాస్ బర్త్‌డే స్పెషల్ పోస్టర్ విడుదల

బ్లాక్‌బస్టర్ దర్శకుడు సందీప్ రెడ్డి వంగా సమర్పణలో, భద్రకాళీ పిక్చర్స్ బ్యానర్‌పై రూపొందుతున్న ‘రోమాంచకం’ చిత్రం నుంచి హీరో సుమంత్ ప్రభాస్ పుట్టినరోజు సందర్భంగా ప్రత్యేక పోస్టర్‌ను మేకర్స్ విడుదల చేశారు. ఇప్పటికే విడుదలైన ఫస్ట్ లుక్ పోస్టర్, గ్లింప్స్‌కు ప్రేక్షకుల నుంచి మంచి స్పందన లభించగా, ఈ చిత్రం సుమంత్ ప్రభాస్ కెరీర్‌లో మరో కీలక మైలురాయిగా నిలుస్తుందనే నమ్మకాన్ని చిత్రబృందం వ్యక్తం చేసింది.

నూతన దర్శకుడు వేణుగోపాల్ రెడ్డి తెరకెక్కిస్తున్న ఈ చిత్రంలో సుమంత్ ప్రభాస్ సరసన అనంతిక సనిల్ కుమార్ కథానాయికగా నటిస్తున్నారు. ప్రేమ, హాస్యం, ఉత్కంఠ అంశాల సమ్మేళనంగా రూపొందుతున్న ఈ యూత్‌ఫుల్ ఎంటర్‌టైనర్‌లో ఉపేంద్ర లిమయే, వెంకటేష్ కాకుమాను, నరేంద్ర రవి, మణి, సోహన్ తదితరులు కీలక పాత్రలు పోషిస్తున్నారు. ఈ చిత్రం సెప్టెంబర్ 3న ప్రపంచవ్యాప్తంగా గ్రాండ్ థియేట్రికల్ విడుదలకు సిద్ధమవుతోంది.