మిస్టర్‌బీస్ట్‌ ఫీజు తెలిస్తే షాక్‌ అవ్వాల్సిందే?

ప్రపంచంలో అత్యధిక సబ్‌స్క్రైబర్లు కలిగిన యూట్యూబర్లలో ఒకరైన మిస్టర్‌బీస్ట్‌ (జిమ్మీ డొనాల్డ్‌సన్‌) కార్యక్రమాల్లో పాల్గొనేందుకు తీసుకునే పారితోషికం ఆసక్తికరంగా మారింది. ఏఏఈ స్పీకర్స్‌ బ్యూరోలోని వివరాల ప్రకారం.. మిస్టర్‌బీస్ట్‌ లైవ్‌ ఈవెంట్‌ లేదా వర్చువల్‌ కార్యక్రమంలో పాల్గొనేందుకు సూచించిన ఫీజు 2 లక్షల అమెరికన్‌ డాలర్ల నుంచి ప్రారంభమవుతోంది. అయితే ఇది మార్గదర్శక అంచనా మాత్రమేనని, కార్యక్రమం స్వభావం, వ్యవధి, ప్రదేశం, షెడ్యూల్‌, డిమాండ్‌ వంటి అంశాల ఆధారంగా తుది ఫీజు మారవచ్చని సంస్థ స్పష్టం చేసింది.

మిస్టర్‌బీస్ట్‌ ప్రత్యేకమైన వీడియోలు, భారీ బహుమతులు, వినూత్న కార్యక్రమాలతో ప్రపంచవ్యాప్తంగా భారీ అభిమానగణాన్ని సంపాదించుకున్నారు. ఇటీవల ‘రామాయణ: పార్ట్‌ 1’ ప్రచార కార్యక్రమంలో భాగంగా ముంబైలో జరిగిన ప్రత్యేక ఈవెంట్‌లో రణ్‌బీర్‌ కపూర్‌, సాయి పల్లవితో కలిసి ఆయన పాల్గొన్నారు. ఈ సందర్భంగా రణ్‌బీర్‌తో కలిసి ‘జై శ్రీరామ్‌’ నినాదం చేసిన వీడియోలు కూడా వైరల్‌ అయ్యాయి. అయితే ఈ కార్యక్రమానికి మిస్టర్‌బీస్ట్‌ ఎంత పారితోషికం తీసుకున్నారనే విషయాన్ని అధికారికంగా వెల్లడించలేదు.