‘ఈఎన్‌ఈ రిపీట్‌’తో మళ్లీ రాబోతున్న కన్యారాశి గ్యాంగ్

‘ఈ నగరానికి ఏమైంది’ సినిమాతో యువతలో భారీ క్రేజ్ సంపాదించిన టీమ్ ఇప్పుడు ‘ఈఎన్‌ఈ రిపీట్’ సినిమాతో మళ్లీ ప్రేక్షకుల ముందుకు రాబోతోంది. విశ్వక్ సేన్, అభినవ్ గోమఠం, శ్రీనాథ్ మాగంటి, వెంకటేశ్ కాకుమాను ప్రధాన పాత్రల్లో నటిస్తున్న ఈ చిత్రాన్ని తరుణ్ భాస్కర్ తెరకెక్కిస్తున్నారు. ఈ సినిమాను సృజన్ యరబోలు, సందీప్ నాగిరెడ్డి కలిసి నిర్మిస్తున్నారు.

తాజాగా ఈ చిత్రం నవంబర్ 19న థియేటర్లలో విడుదల కానుందని చిత్రబృందం అధికారికంగా ప్రకటించింది. మొదటి భాగం విడుదలై ఎనిమిదేళ్లు పూర్తయిన సందర్భంగా ‘కన్యారాశి’ గ్యాంగ్ జ్ఞాపకాలను గుర్తు చేసేలా ఒక ప్రత్యేక వీడియోను కూడా విడుదల చేశారు. ఈ కొత్త భాగంతో మరోసారి యువతను ఆకట్టుకునే ప్రయత్నం చేస్తున్నారు.