మాస్ మహారాజ కెరీర్‌లో బెస్ట్ ఓపెనింగ్‌ దిశగా ఇరుముడి?

మాస్ మహారాజ్ రవితేజ హీరోగా శివ నిర్వాణ దర్శకత్వంలో తెరకెక్కుతున్న ‘ఇరుముడి’ చిత్రంపై ప్రేక్షకుల్లో భారీ ఆసక్తి నెలకొంది. చాలా కాలం తర్వాత రవితేజ నుంచి సినిమా వస్తుండటంతో అభిమానులు, సాధారణ ప్రేక్షకులు ఈ మూవీ కోసం ఆసక్తిగా ఎదురుచూస్తున్నారు. ఇప్పటికే తెలుగు రాష్ట్రాల్లో అడ్వాన్స్ బుకింగ్స్ జోరుగా సాగుతున్నాయి. మరోవైపు అమెరికా మార్కెట్‌లోనూ ప్రీ-సేల్స్‌కు మంచి స్పందన లభిస్తోంది. విడుదలకు ముందే ఈ చిత్రం 2.5 లక్షల డాలర్ల గ్రాస్‌ను దాటినట్లు తెలుస్తోంది.

ఈ పరిస్థితుల్లో ‘ఇరుముడి’ రవితేజ కెరీర్‌లోనే అత్యుత్తమ ఓపెనింగ్స్ సాధించే అవకాశం ఉందనే అంచనాలు పెరుగుతున్నాయి. జీవీ ప్రకాష్ కుమార్ సంగీతం అందిస్తున్న ఈ చిత్రాన్ని మైత్రీ మూవీ మేకర్స్ నిర్మిస్తోంది. విడుదలకు ముందే కనిపిస్తున్న బుకింగ్స్ జోరు, ప్రీ-సేల్స్ థియేట్రికల్ వసూళ్లపై అంచనాలను పెంచుతోంది. మరి ఈ హైప్‌ను సినిమా బాక్సాఫీస్ వద్ద ఎంతవరకు అందుకుంటుందో చూడాలి.