‘ఫాదర్’ టీజర్ డేట్ ఫిక్స్...

డార్లింగ్ కృష్ణ, ప్రకాష్ రాజ్ ప్రధాన పాత్రల్లో నటిస్తున్న తాజా చిత్రం ‘ఫాదర్’. రాజ్ మోహన్ దర్శకత్వంలో తెరకెక్కుతున్న ఈ సినిమా తండ్రీకొడుకుల అనుబంధం, ప్రేమ, త్యాగం నేపథ్యంలో సాగే ఎమోషనల్ ఫ్యామిలీ డ్రామాగా రూపొందుతోంది. ఇందులో ప్రకాష్ రాజ్ తండ్రి పాత్రలో కనిపించనుండగా, డార్లింగ్ కృష్ణ ఆయన కొడుకుగా నటిస్తున్నారు. ఇప్పటికే విడుదలైన గ్లింప్స్ సినిమాపై ఆసక్తిని పెంచాయి.

తాజాగా ‘ఫాదర్’ టీజర్ విడుదలపై మేకర్స్ అప్డేట్ ఇచ్చారు. ఆగస్టు 25న సాయంత్రం 4:05 గంటలకు టీజర్‌ను విడుదల చేయనున్నట్లు కొత్త పోస్టర్ ద్వారా ప్రకటించారు. ప్రకాష్ రాజ్ బండి నడుపుతుండగా, డార్లింగ్ కృష్ణ వెనుక నుంచి తండ్రిని గట్టిగా హత్తుకున్నట్లు ఉన్న ఈ పోస్టర్ తండ్రీకొడుకుల అనుబంధాన్ని చాటుతూ ఆకట్టుకుంటోంది. ఆర్‌సి స్టూడియోస్ నిర్మిస్తున్న ఈ చిత్రానికి సంబంధించిన విడుదల తేదీని త్వరలో ప్రకటించనున్నారు. ప్రకాష్ రాజ్ ఇప్పటికే తన పాత్రకు డబ్బింగ్ పూర్తి చేశారు.